2007-03-8
Lirik Dikir Barat : Halim Yazid - Bangkit Asal
Halim Yazid - Bakit Asal
Maso kecik ambo beso make nasi sajo-sajo
Kalu ado pun sekerat ike, kena bagi dua
Dapur cumo ado gare, Jare bena ado gulo
Baco bok male-male, paka minum air telago
Bangun pagi-pagi, sauk baju paka seluar
Mek ambo rebus ubi, dio bungkus buat bekal
Dio pese hari-hari, Leng ngaji lah pandai-pandai
Kalu kito pah tinggi, orghe kata boleh jadi pengawai
Oooooooooo…..ambo gi sekolah berungga-ungga
Ooooooooo….ambo nok ngaji wi pandai-pandai
Ado satu ketika cikgu mintok 10 rial
dio kata sekolah kito nok gi melawat sambil belajar
Hummm….. tak dok apo doh la cikgu wei.., saya tok leh bayar
Orghe lain gi belako, ambo sore jah tinggal
Hok ambo perit sengoti, kena gi sekolah alik pete
cikgu kata wajib mari, rumoh kuning ado latihan
Ambo la hok banyok sekali kena hungga keliling pade
kerana ambo tok leh nok beli seluar pendek kasut suke
Ooooooo……Malu nye wei, ambo kena paje
Oooooooo……Ni lah baru ambo royat ko orghe
Terimakasih lah cikgu-cikgu kerana sudi ajar saya
Dari darejah satu hinggo jadi manusio
Mintok halal segala ilmu hok cikgu bui selamo maso
Di tapok kaki guru ambo tunduk mintok redaAmbo masuk universiti tahun 80, Budok kapong nok gi ngaji
Tekad dale hati ambo nok ngaji sungguh-sungguh
Ingat malu kore warih warah dok pakat kato
Tok soh lah dok kurban kalu tidok baso kayo
Atar sekolah anak jate wak ngabih ko hareta
Tidak kato nok pakat rate, tolong bantu samah dua
Ooooooooooooo……Tak dok warih nye diri ambo
Ooooooooooooooo……Demo tokse kelih, walau sebelah mataMek denge ayoh masok jadi peneroka baru
Dale bukit nok tanam getah di Kesedar Lepir 1
Perang dengan rima gajah, make tok make tok sapo tahu
beginilah orghe susoh, nok tanggung anok ngaji di U
kerana keadaan begitu, ayoh ambil keputusan
Wahai anok-anok ku, kito pecahlah tiga jale
Mu Haling, anok nombor satu, mu dudud Kuala Lumpur ngaji lah sore
Adik-adik tinggal kampong dulu, paka duduk dengan orghe
Ooooooo…..Selamat tinggal selamat jale
Oooooooo…..Adik hok bongsu jerit sokmo male-maleAlkisahlah ambo pulok tengoh dok kena gaji di universiti Malaya
Buku rujukan pun ambo takdok, paka harap ko salin nota
Beraso malu jugok masok majlis hok besar-besar
Baju ambo muroh telajok, 12 rial jah sehelai
Hari konvokesyen, hari untuk ayoh bonda
Penat jerih seribu musim, harap mek ayoh beraso banggo
Tahniah dari sain-sain, ambo terima banyok bunga
Ambolah orghe panggil Halin anok kapong kito hok paling berjaya
P/S: Boleh request MP3 Dikir Barat Di Komuniti Dikir Barat Malaysia
Popularity: 6% [?]
